Category: ព័ត៌មានក្រៅប្រទេស

យោងទៅតាមទំព័រហ្វេសប៊ុកផ្លូវការ Universe Pageant បានឱ្យដឹងថានៅព្រឹកថ្ងៃទី៧ មេសា នេះមេ ដឹកនាំយោធាធ្វើរដ្ឋប្រហារ មីយ៉ាន់ម៉ា ចេញដីការចាប់ខ្លួន Miss Grand Myanmar នាង Han Lay ដែលពេល​នេះ​កំពុងស្នាក់នៅ​ក្នុងប្រទេសថៃ ពីបទញុះញង់បង្ករឱ្យមានចលនាប្រឆាំងក្នុងប្រទេស។ របប​យោធា បាន​ចោទ​ថា Miss Grand Myanmar នាង Han Lay ថា​បាន​ប្រើ​ប្រាស់​ឆាក Miss Grand International និយាយ​ពី​នយោបាយក្នុងប្រទេសមីយ៉ាន់ម៉ា ទៅកាន់ពិភពលោក និង​សុំឲ្យ​មាន​អន្តរាគមន៍​ជួយ​រំបដោះប្រទេសពី​ក្រុមយោធា។ ដូច្នេះ​ហើយ ស្រាប់តែនៅព្រឹកថ្ងៃទី៧ មេសា នេះ មេ​ដឹកនាំយោធាធ្វើរដ្ឋប្រហារ មីយ៉ាម៉ា ចេញដីការចាប់ខ្លួន Miss Grand International នាង Han Lay ភ្លាមៗ ដោយ​ចំណាត់​ការ​នេះ​ក៏​រួម​បញ្ចូល​អ្នក​រៀបចំ​នាំ​នាង​ទៅ​ចូល​រួម​ប្រកួត​ក្នុង​ព្រឹត្តិការណ៍​ខាង​លើ​ដែរ។ យ៉ាងណា គិត​ត្រឹម​ម៉ោង ១១ និង៣០នាទីថ្ងៃ​ទី ៧ មេសា នេះ មិន​ទាន់​ឃើញ​មាន​សារព័ត៌មាន​ក្នុង​ប្រទេសថៃ និង​សារព័ត៌មានធំ​របស់​លោក​ខាង​លិច​ណា​មួយ រាយការណ៍​ពី​ករណី​នេះ​នៅ​ឡើយ៕

Read More

(ណៃពិដោរ)៖ ចំនួនបាតុករបាត់បង់ជីវិតនៅក្នុងការបង្រ្កាបយ៉ាងបង្ហូរឈាមពីសំណាក់កងកម្លាំងសន្តិសុខមីយ៉ានម៉ា កាលពីថ្ងៃសៅរ៍ម្សិលមិញ បានកើនដល់ច្រើនជាង ១០០នាក់ ដែលនេះគឺជាចំនួនអ្នកស្លាប់ច្រើនបំផុតនៅក្នុងបាតុកម្មតវ៉ា ចាប់តាំងពីមានរដ្ឋប្រហារយោធាកាលពីថ្ងៃទី០១ ខែកុម្ភៈមក។ នេះបើតាមការចេញផ្សាយដោយទីភ្នាក់ងារព័ត៌មាន Reuters នៅថ្ងៃអាទិត្យ ទី២៨ ខែមីនា ឆ្នាំ២០២១។ ការបង្រ្កាបយ៉ាងបង្ហូរឈាមខាងលើពីសំណាក់កងកម្លាំងសន្តិសុខមីយ៉ាន់ម៉ា កើតមានឡើងកាលពីថ្ងៃសៅរ៍ម្សិលមិញ ពោលគឺចំថ្ងៃដែលយោធាប្រារព្ធទិវាកងទ័ព និងធ្វើ ព្យុហយាត្រាយោធាបង្ហាញសាច់ដុំដាក់ក្រុមបាតុករ។ ថ្លែងនៅក្នុងឱកាសចូលរួមទិវានេះដែរក្នុងទីក្រុងណៃពិដោរ មេដឹកនាំរដ្ឋាភិបាលយោធា លោកឧត្តមសេនីយ៍ មីន អោង ហ្លេង (Min Aung Hlaing) បាននិយាយថាយោធានឹងការពារប្រជាជន ក៏ដូចជាតស៊ូដើម្បីលទ្ធិប្រជាធិបតេយជាមួយការសន្យារៀបចំការបោះឆ្នោតសកលថ្មីមួយ ហើយនឹងប្រគល់អំណាចឱ្យអ្នកឈ្នះ។ តែទន្ទឹមគ្នានឹងការសន្យានេះ សារព័ត៌មានមីយ៉ាន់ម៉ា Myanmar Now បានរាយការណ៍ថាមនុស្សយ៉ាងហោចណាស់ ១១៤នាក់ ត្រូវបានសម្លាប់នៅក្នុងការបង្រ្កាបដោយ កងកម្លាំងសន្តិសុខនៃរដ្ឋាភិបាលយោធានៅទូទាំងប្រទេស ជាពិសេសក្នុងទីក្រុងរ៉ង់ហ្គូន និងទីក្រុងម៉ាន់ដាឡាយ កាលពីថ្ងៃសៅរ៍ម្សិលមិញ ដោយធ្វើឱ្យចំនួនអ្នកស្លាប់ ក្នុងបាតុកម្មតវ៉ាចាប់តាំងពីថ្ងៃផ្ទុះរដ្ឋប្រហារមកកើនដល់ច្រើនជាង៤០០នាក់។ គួរបញ្ជាក់ថា សហរដ្ឋអាមេរិក ចក្រភពអង់គ្លេស និងសហភាពអឺរ៉ុប បានថ្កោលទោសយ៉ាងខ្លាំងចំពោះអំពើហិង្សប្រព្រឹត្តដោយកងកម្លាំងសន្តិសុខមីយ៉ាន់ម៉ា លើក្រុមបាតុករ ហើយអំពាវនាវឱ្យបញ្ឈប់អំពើហិង្សាជាបន្ទាន់៕  

Read More

(ណៃពីដោ)៖ ទិវាកងទ័ពបានចាប់ផ្តើមប្រព្រឹត្តទៅហើយ នៅក្នុងរដ្ឋធានីណៃពីដោ នៃសហភាពមីយ៉ាន់ម៉ា ដោយក្នុងនោះមានការដង្ហែរក្បួនព្យុហយាត្រាដ៏ធំមួយ ដឹកនាំផ្ទាល់ដោយអគ្គមេបញ្ជាការយោធាមីយ៉ាន់ម៉ា លោក មីន អោង ហ្លេង (Min Aung Hlaing) ដែលកំពុងកាន់អំណាចគ្រប់បែបយ៉ាង នៅក្នុងប្រទេសអាស៊ានមួយនេះ។ នេះបើតាមការចេញផ្សាយ ដោយសារព័ត៌មាន CNA នារសៀលថ្ងៃសៅរ៍ ទី២៧ ខែមីនា ឆ្នាំ២០២១។ នៅមុនព្រឹត្តិការណ៍ខាងលើនេះកើតឡើង កាលពីថ្ងៃសុក្រម្សិលមិញនេះ យោធាមីយ៉ាន់ម៉ាបានប្រកាសរួចជាស្រេច តាមកញ្ចក់ទូរទស្សន៍រដ្ឋ MRTV ដោយចំពោះព្រមានក្រុមបាតុករទាំងឡាយ ដែលមានគម្រោងរៀបចំធ្វើបាតុកម្ម នៅក្នុងថ្ងៃដ៏សំខាន់នេះផងដែរ។ យ៉ាងណាក៏ដោយ កងកម្លាំងការពារសន្តិសុខ ត្រូវបានបញ្ជាឲ្យដាក់ពង្រាយ ដើម្បីរឹតបន្តឹងសន្តិសុខកម្រិតខ្ពស់ នៅក្នុងរដ្ឋធានីណៃពីដោ។ នៅក្នុងឱកាសនៃការដឹកនាំក្បួនព្យុហយាត្រាខាងលើនេះដែរ លោក មីន អោង ហ្លេង បានប្តេជ្ញាចិត្តសាជាថ្មីចំពោះការរៀបចំបោះឆ្នោតឡើងវិញ និងប្រគល់អំណាចទៅដល់ គណបក្សដែលឈ្នះយ៉ាងពិតប្រាកដ ប៉ុន្តែលោកក៏មិនភ្លេចក្នុងការព្រមានជាថ្មី ចំពោះចលនាប្រឆាំងទាំងឡាយនោះដែរ។ លោក មីន អោង ហ្លេង បានសង្កត់ធ្ងន់ថា ទង្វើបែបភេរវកម្មដែលបង្កគ្រោះថ្នាក់ ដល់ភាពស្ងប់ស្ងាត់ និងសន្តិសុខរបស់ប្រទេសជាតិ គឺជារឿងដែលមិនអាចទទួលយកបានជាដាច់ខាត។ អគ្គមេបញ្ជាការយោធាមីយ៉ាន់ បានថ្លែងយ៉ាងដូច្នេះទៀតថា «លទ្ធិប្រជាធិបតេយ្យដែលយើងចង់បាន គឺអាចក្លាយជាភាពគ្មានវិន័យមួយ ប្រសិនបើពួកគេមិនបានផ្តល់ការគោរព ហើយនាំគ្មានប្រឆាំងច្បាប់»។ ទោះជាយ៉ាងណាក៏ដោយ អគ្គមេបញ្ជាការយោធាមីយ៉ាន់ម៉ា នៅតែនិយាយការពារជានិច្ច ចំពោះអ្វីដែលខ្លួនបានធ្វើនាពេលកន្លងមកនេះ។ គួរបញ្ជាក់ថា ទិវាកងទ័ពតែងតែប្រារព្ធឡើង ជារៀងរាល់ឆ្នាំដោយមានការបង្ហាញ រថពាសដែក, រថក្រោះ, យន្តហោះចម្បាំង និងមីស៊ីលផងដែរ ប៉ុន្តែលើកនេះគឺត្រូវបានធ្វើឡើង ចំពោះមុខការតវ៉ា និងបង្ក្រាបដ៏បង្ហូរឈាម ដែលបានបណ្តាលឲ្យមនុស្សជាង ៣០០នាក់ទៅហើយបាត់បង់ជីវិត គិតចាប់តាំងពីរដ្ឋប្រហារថ្ងៃទី០១ ខែកុម្ភៈ ដែលបានទម្លាក់រដ្ឋាភិបាលស៊ីវិលរបស់ លោកស្រី អោង សាន ស៊ូ ជី ចេញពីអំណាច៕

Read More

(វ៉ាស៊ីនតោន)៖ ក្រោយពីបានប្រកាសគោលដៅថ្មី នោះគឺការចាក់វ៉ាក់សាំងឲ្យបាន ២០០លានដូស ក្នុងរយៈពេល ១០០ថ្ងៃនៃការកាន់តំណែងជាប្រធានាធិបតីនោះ លោក ចូ បៃដិន នៅថ្ងៃសុក្រសប្តាហ៍នេះ (ពេលវេលានៅវ៉ាស៊ីនតោន) បានប្រកាសទៀតថា នឹងបញ្ចេញវ៉ាក់សាំងបង្ការ COVID-19 ផលិតដោយក្រុមហ៊ុន Johnson & Johnson ចំនួន ១១លានដូសនៅសប្តាហ៍ក្រោយ។ នេះបើតាមការចេញផ្សាយ ដោយទីភ្នាក់ងារព័ត៌មាន Reuters នាព្រឹកថ្ងៃសៅរ៍ ទី២៧ ខែមីនា ឆ្នាំ២០២១។ លក្ខណៈពិសេសរបស់វ៉ាក់សាំងខាងលើនេះ គឺគ្រប់គ្នាបានដឹងរួចមកហើយ ដោយវាមានប្រសិទ្ធភាពលើស ៩០% ទប់ទល់នឹង COVID-19 សម្រាប់ការធ្វើតេស្តក្នុងសហរដ្ឋអាមេរិកផ្ទាល់ និងជាប្រភេទវ៉ាក់សាំងដែលតម្រូវឲ្យ «ចាក់តែ១ដូស» ប៉ុណ្ណោះ។ ដូច្នេះវាមានន័យថា វ៉ាក់សាំង Johnson & Johnson ចំនួន ១១លានដូសខាងលើនេះ នឹងត្រូវយកទៅចាក់ជូនប្រជាជនអាមេរិក នៅតាមរដ្ឋនានាបានចំនួន ១១លាននាក់។ ដោយឡែកសម្រាប់ក្រុមហ៊ុន Moderna និង Pfizer វិញបានអះអាងថា ពួកគេរំពឹងអាចផ្គត់ផ្គង់វ៉ាក់សាំងបាន ២២០លានដូស ទៅតាមគ្រោងទុកនៅក្នុងត្រីមាសទី ១ នៃឆ្នាំ២០២១។ កន្លងមកនេះក្រុមហ៊ុន Johnson & Johnson ធ្លាប់បានអះអាងថា ខ្លួនត្រៀមវ៉ាក់សាំងផលិតបានជាស្រេចសរុប ២០លានដូស ប៉ុន្តែការសម្រេចឲ្យដឹកជញ្ជូនទៅកាន់ទីណាខ្លះនោះ គឺត្រូវរង់ចាំការកំណត់ពីអាជ្ញាធរអាមេរិក។ គួរបញ្ជាក់តាមលោក ចូ បៃដិន ធ្លាប់បានអះអាងថា លោកនឹងគិតគូរក្នុងការផ្គង់ផ្គង់វ៉ាក់សាំង នៅក្នុងសហរដ្ឋអាមេរិកឲ្យបានគ្រប់ចំនួនសិន នោះគឺមនុស្សពេញវ័យសរុប ២៥៨លាននាក់ នឹងត្រូវទទួលបានការចាកវ៉ាក់សាំងនៅត្រឹមដំណាច់ខែឧសភា ឆ្នាំ២០២១ រួចហើយទើបសហរដ្ឋអាមេរិកអាចចែកចាយវ៉ាក់សាំង ទៅកាន់ប្រទេសនានាបាន ដោយចាប់ផ្តើមពីកាណាដា និងមិចស៊ីកូ ដែលជាប្រទេសជិតខាងទាំងពីររបស់ខ្លួន៕  

Read More

(បរទេស) យោងតាមការចុះផ្សាយរបស់សារព័ត៏មានCNAនៅថ្ងៃទី៣ ធ្នូនេះបានអោយដឹងថា លោកនារយករដ្ឋមន្រ្តីអង់គ្លេស លោក បូរីស ចនសុន នឹងធ្វើការចាក់វ៉ាក់សាំងកូវីដ-១៩ ហើយធ្វើការផ្សាយផ្ទាល់តាមកញ្ចក់ទូរទ្សន៍ ដើម្បីបង្ហាញអោយពលរដ្ឋអង់គ្លេសដឹងថា វាគឺមានសុវត្ថិភាព ប៉ុន្តែលោកនឹងមិនមែនជាអ្នកចាក់វាមុនគេនោះទេ នេះបើតាមការអោយដឹងរបស់អ្នកនាំពាក្យនាយករដ្ឋមន្រ្តីរូបនេះ។ អ្នកនាំពាក្យរបស់នារយករដ្ឋមន្រ្តីរូបនេះបានបន្តថា លោក ចនសុន នឹងតម្រូវអោយតម្រង់ជួររងចាំដូចគេដូចឯង ក្នុងការទទួលបានវ៉ាក់សាំងរបស់Pifzer ដោយលោកនឹងផ្តល់អទិភាពដល់ក្រុមមនុស្សចាស់ មន្រ្តីសុខាភិលបាល ក្រុមមនុស្សងាយរងគ្រោះ ឬជនដែលត្រូវការវ៉ាក់សាំងចាំបាច់បំផុតមុន។ គួរបញ្ជាក់ថា នាយករដ្ឋមន្រ្តីវ័៥៦ឆ្នាំរូបនេះ ធ្លាប់បានឆ្លងកូវីដ-១៩ម្តងរួចមកហើយកាលពីដើមឆ្នាំនេះ ហើយលោកបានអោយដឹងថា ការចុះកុងត្រាអនុញ្ញាតប្រើប្រាស់វ៉ាក់សាំងដល់ពលរដ្ឋអង់គ្លេស គឺដើម្បីក្តីសង្ឃឹមអាចយកឈ្នះជំងឺកូវីដ-១៩ នឹងដើម្បីអោយសេដ្ឋកិច្ចរួមទាំងជីវភាពប្រចាំថ្ងៃរបស់ពលរដ្ឋត្រលប់មកដូចដើមវិញ។

Read More

បរទេស ប្រិយមិត្តច្បាស់ជាបានជ្រាបហើយថានៅក្នុងប្រទេសថៃពេលនេះបាកំពុងតែមានបាតុកម្ម​ដែលកំពុង​ផ្ទុះឡើង​ក្នុងប្រទេស ហើយការ​តវ៉ា​របស់​ក្រុម​យុវជន​ចាប់តាំងពី​ពាក់កណ្តាល​ខែកក្កដា​មក ​ផ្តោត​លើ​ចំណុច៣ធំៗដោយ​មិនបាន​ប្ដូរ​គោលដៅ​នោះ​គឺបន្ថយអំណាច​ក្សត្រ បោះឆ្នោត​ជ្រើសរើស​នាយក​រដ្ឋមន្ត្រី​ឡើងវិញ និងសរសេរ​រដ្ឋធម្មនុញ្ញ​ឡើងវិញ។ យ៉ាងណាមិញនៅកាលពីថ្ងៃទី២៧ ខែតុលា ឆ្នាំ​២០២០នេះ ប្រទេសថៃបានបើកកិច្ចប្រជុំសភា​ពិសេស​មួយស្តីអំពី​បាតុកម្ម​ដែលកំពុង​ផ្ទុះឡើង​ក្នុងប្រទេស ។ ហើយក្នុងនោះដែរឃើញថាមានការភ្ញាក់ផ្អើលយ៉ាងខ្លាំងបន្ទាប់ពីលោក Wisarn Techateerawat វ័យ៦៤ឆ្នាំមកពីគណបក្សភឿថៃ បាន​ អា រ ដៃសម្រក់ ឈា ម ​ក្នុងអំឡុង​កិច្ចប្រជុំសភា​ពិសេស​មួយនោះក្នុងគោលបំណងមិន​ចង់ឱ្យ​រដ្ឋាភិបាលប្រើប្រាស់​កម្លាំង​ទៅបង្ក្រាបក្រុមបាតុករក្មេងៗដែលសុទ្ធតែជានិស្សិតនោះឡើយ ពោលគឺ​លោកមិនចង់ឃើញ​ ឈា ម របស់​ប្រជាជនហូរឡើយ។​ ក្រោយធ្វើបែបនេះរួចតំណាងរាស្រ្តបក្សប្រឆាំងខាងលើ ត្រូវបានបញ្ជូន​ទៅមន្ទីរពេទ្យ ដោយរបួសរបស់លោកត្រូវបានដេរអស់៩ថ្នេរ ហើយ កិច្ចប្រជុំសភានេះ មិនផ្អាកត្រឹមហ្នឹងឡើយ ដោយបន្តកិច្ចពិភាក្សាគ្នាដដែល បើទោះបីជាលោក Wisarn Techateerawat ធ្វើបែបនេះក៏ដោយ ៕  

Read More

(ប៉េកាំង)៖ ចិនបានប្រាប់ឱ្យកងទ័ពរបស់ខ្លួនរក្សាការអត់ធ្មត់ ឱ្យបានកម្រិតខ្ពស់ជាទីបំផុត ដោយមិនត្រូវបើកការបាញ់ប្រហារ លើយន្ដហោះចម្បាំង ឬនាវាចម្បាំងអាមេរិកមុនជាដាច់ខាត ខណៈទីក្រុងប៉េកាំង កំពុងព្យាយាមបន្ធូរបន្ថយភាពតានតឹង នៅក្នុងតំបន់សមុទ្រចិនខាងត្បូង ដើម្បីកុំឱ្យអាមេរិកចេះតែមានលេស បង្កើនវត្តមានយោធានៅក្នុងតំបន់។ នេះបើតាមការចេញផ្សាយ ដោយសារព័ត៌មាន South China Morning Post នៅព្រឹកថ្ងៃពុធ ទី១២ ខែសីហា ឆ្នាំ២០២០។ សារព័ត៌មានហុងកុង South China Morning Post ដោយផ្អែកលើប្រភពដែលខ្លួនទទួលបាន ក្នុងលក្ខខណ្ឌមិនបញ្ចេញឈ្មោះ បានឱ្យដឹងទៀតថា ទីក្រុងប៉េកាំងបានធ្វើទំនាក់ទំនងតាមមធ្យោបាយជាច្រើន ជាមួយសហរដ្ឋអាមេរិក ដោយបានបញ្ជាក់ច្បាស់ៗថា «ខ្លួននឹងមិនបើកការវាយប្រហារមុននោះទេ»។ ប្រការនេះជាសក្ខីកម្មបង្ហាញពី កាយវិកាប្រកបដោយសុឆន្ទៈ សំដៅរក្សាស្ថានភាពឱ្យស្ថិតនៅក្រោមការគ្រប់គ្រង។ ប្រភពដដែលខាងលើនេះ បានគូសបញ្ជាក់យ៉ាងដូច្នេះថា «វាជាគឺជារឿងងាយស្រួលបំផុត ក្នុងការបញ្ជាឱ្យបើកការបាញ់ប្រហារមុន តែទាំងសហរដ្ឋអាមេរិក និងប្រទេសចិន នឹងមិនអាចគ្រប់គ្រងផលវិបាក ដែលនឹងកើតឡើងបន្ទាប់ពីនោះទេ ខណៈស្ថានភាពនាពេលបច្ចុប្បន្ន គឺកំពុងស្ថិតនៅក្នុងគ្រោះថ្នាក់ខ្ពស់បំផុត»។ គួរជម្រាបថា កាលពីខែកក្កដាកន្លងទៅ សហរដ្ឋអាមេរិកបានបញ្ជូន នាវាផ្ទុកយន្ដហោះចម្បាំងពីរគ្រឿងគឺ USS នីមីតស៍ (USS Nimitz) និង USS រ៉ូណាល់ដ៍ រីហ្គែន (USS Ronald Reagan) ឱ្យមកធ្វើសមយុទ្ធយោធា នៅក្បែរតំបន់ដែនទឹកជម្លោះក្នុងសមុទ្រចិនខាងត្បូង។ ជាការឆ្លើយតប ចិនក៏បានដឹកនាំការធ្វើសមយុទ្ធយោធា នៅក្នុងតំបន់សមុទ្រចិនខាងត្បូង និងជុំវិញកោះតៃវ៉ាន់ផងដែរ រហូតដល់ធ្វើឱ្យអ្នកជំនាញជាច្រើនបង្ហាញក្ដីព្រួយបារម្ភថា មហាអំណាចទំាង ២ កំពុងខិតកាន់តែជិតមាត់ជ្រោះនៃជម្លោះ។ ទោះជាយ៉ាងណា ជម្លោះប្រដាប់អាវុធរវាងចិន និងសហរដ្ឋអាមេរិក គ្មាននរណាម្នាក់អាចដឹងមុនថា នឹងត្រូវផ្ទុះនៅពេលណានោះ ហើយភាពតានតឹងរវាងប្រទេសទាំង ២ ក៏មិនមែនទើបតែកើតុំាមឡើងនោះដែរ។ ជាឧទាហរណ៍ សហរដ្ឋអាមេរិក និងចិនក៏ធ្លាប់ត្រូវបានគេយល់ថា អាចនឹងបង្កជម្លោះនឹងគ្នាផងដែរ កាលពីឆ្នាំ២០០១ ជាពេលដែលយន្ដហោះស៊ើបការណ៍អាមេរិកមួយគ្រឿង បានហោះបុកជាមួយយន្ដហោះចម្បាំងមួយគ្រឿង នៃកងទ័ពរំដោះប្រជាជនចិន (PLA) នៅក្នុងដែនអាកាសនៃកោះ ហៃណាន…

Read More

(វ៉ាស៊ីនតោន)៖ សហរដ្ឋអាមេរិកនៅថ្ងៃសុក្រសប្តាហ៍នេះ (ពេលវេលានៅវ៉ាស៊ីនតោន) បានសម្រេចចិត្តដាក់ទណ្ឌកម្មលើអភិបាលទីក្រុងហុងកុង លោកស្រី ខារី ឡាំ (Carrie Lam) និងមន្ត្រីក្រោមឱវាទមួយចំនួនទៀត ពីបទបង្កផលប៉ះពាល់យ៉ាងធ្ងន់ធ្ងរ ដល់សិទ្ធិសេរីភាពផ្នែកនយោបាយ នៃប្រជាជនរស់នៅលើទឹកដី ទីក្រុងស្វយ័តរបស់ចិនមួយនេះ។ នេះបើតាមការចេញផ្សាយ ដោយសារព័ត៌មាន CNA នាព្រឹកថ្ងៃសៅរ៍ ទី០៨ ខែសីហា ឆ្នាំ២០២០។ ការកត់ឈ្មោះផ្នាក់ដឹកនាំកំពូលៗរបស់ហុងកុង ខាងលើនេះចូលទៅក្នុងបញ្ជីខ្មៅ បានកើតមានឡើង ក្រោយពីប្រធានាធិបតីអាមេរិកលោក ដូណាល់ ត្រាំ កាលពីថ្ងៃខែកក្កដាកន្លងទៅនេះ បានចេញបទបញ្ជាប្រតិបត្តិមួយ ដើម្បីដាក់ទណ្ឌកម្មចិន ដែលបានបញ្ចេញច្បាប់សន្តិសុខជាតិថ្មី និងដាក់ឲ្យអនុវត្តជាផ្លូវការលើទីក្រុងស្វយ័តមួយនេះ។ បើតាមប្រភពពីសេតវិមានអាមេរិក លោកស្រី ខារី ឡាំ, អគ្គស្នងការប៉ូលិសហុងកុងលោក គ្រីស ថាំង (Chris Tang) ព្រមទាំងមន្ត្រីសន្តិសុខ និងយុត្តិធម៌ជាន់ខ្ពស់នៅទីក្រុងនេះ ត្រូវបានបង្កកទ្រព្យសម្បត្តិដែលពួកគេមាន ទាំងអស់នៅក្នុងសហរដ្ឋអាមេរិក ហើយជនជាតិអាមេរិកាំងនានា មិនអាចធ្វើទំនាក់ទំនងពាណិជ្ជកម្ម ជាមួយមន្ត្រីហុងកុងទាំងអស់នេះបានទៀតឡើយ។ នៅមុននេះបន្តិច រដ្ឋមន្ត្រីការបរទេសអាមេរិកលោក ម៉ៃក៍ ប៉ុមប៉េអូ បានលើកឡើងថា ការដាក់ទណ្ឌកម្មថ្មីលើមន្ត្រីជួរមុខទីក្រុងហុងកុងនេះ គឺជាសារយ៉ាងច្បាស់មួយ ផ្ញើទៅកាន់ទីក្រុងប៉េកាំងថា អ្វីដែលបានកើតឡើងនៅទីក្រុងហុងកុង គឺជារឿងដែលមិនអាចទទួលយកបាន។ បន្ថែមពីនេះ លោក ប៉ុមប៉េអូ ក៏បានអះអាងទៀតថា អាមេរិកមិនអាចឈរនៅស្ងៀមនោះឡើយ នៅពេលឃើញប្រជាជនទីក្រុងហុងកុង រងគ្រោះដោយដៃបក្សកុម្មុយនិស្តចិន។ គួរបញ្ជាក់ថា ទាំងទីក្រុងហុងកុង និងទីក្រុងប៉េកាំង មិនទាន់បញ្ចេញប្រតិកម្មណាមួយ ចំពោះទង្វើរបស់សហរដ្ឋអាមេរិក ខាងលើនេះឡើយ ប៉ុន្តែវានឹងអាចកើតមានឡើង នៅក្នុងពេលឆាប់ៗនេះ៕

Read More

(វ៉ាស៊ីនតោន)៖ រដ្ឋមន្ត្រីការពារជាតិចិនលោក វៃ ហ្វេងហ៊ី (Wei Fenghe) បានព្រមានសមភាគីអាមេរិក អំពីភាពគ្រោះថ្នាក់ នៃការចាប់ផ្តើមមានទំនាក់ទំនងជិតស្និទ្ធជាមួយកោះតៃវ៉ាន់ ក្រោយពីទីក្រុងវ៉ាស៊ីនតោន បានប្រកាសអំពីការបញ្ជូនមន្ត្រីជាន់ខ្ពស់ ជាលើកដំបូងទៅកាន់ទីក្រុងតៃប៉ិ។ នេះបើតាមការចេញផ្សាយ ដោយសារព័ត៌មាន CNA នាព្រឹកថ្ងៃសុក្រ ទី០៧ ខែសីហា ឆ្នាំ២០២០។ រដ្ឋមន្ត្រីការពារជាតិចិនលោក វៃ បានជួបពិភាក្សាតាមទូរស័ព្ទជាមួយ រដ្ឋមន្ត្រីការពារជាតិអាមេរិកលោក ម៉ាក អ៉ីស្ពើ (Mark Esper) រយៈពេល ៩០នាទី ដោយក្នុងនោះមន្ត្រីជាន់ខ្ពស់ចិនរូបនេះ បានណែនាំឲ្យរដ្ឋបាលដឹកនាំ របស់អាមេរិកបច្ចុប្បន្ន បញ្ឈប់ការប្រើពាក្យសម្តី និងទង្វើដែលមិនត្រូវ ដែលនឹងនាំទៅរកស្ថានភាពកាន់តែធ្ងន់ធ្ងរ នៃទំនាក់ទំនងរវាងមហាយក្ស សេដ្ឋកិច្ចទាំងពីរនេះ ជាពិសេសទៅបញ្ហាកោះតៃវ៉ាន់ និងសមុទ្រចិនខាងត្បូង។ គួរបញ្ជាក់ថា សហរដ្ឋអាមេរិកកាលពីថ្ងៃពុធ បានប្រកាសពីដំណើរទស្សនកិច្ចផ្លូវការកម្រិតខ្ពស់បំផុត ដែលមិនធ្លាប់មានក្នុងរយៈពេល ប៉ុន្មានទសវត្សរ៍ចុងក្រោយនេះ ទៅកាន់កោះតៃវ៉ាន់។ ការិយាល័យពាណិជ្ជកម្មរបស់ទីក្រុងវ៉ាស៊ីនតោន ប្រចាំនៅទីក្រុងតៃប៉ិ បានបញ្ជាក់ថា រដ្ឋមន្ត្រីសុខាភិបាលអាមេរិកលោក អេឡិច អាហ្សារ (Alex Azar) នឹងដឹកនាំគណៈប្រតិភូទៅកាន់កោះតៃវ៉ាន់ ដែលចិនចាត់ត្រឹមជាខេត្តមួយរបស់ខ្លួននោះ។ វិទ្យាស្ថានអាមេរិកប្រចាំនៅកោះតៃវ៉ាន់បានឲ្យដឹងថា នេះគឺជាលើកទីមួយក្នុងរយៈពេល ៤០ឆ្នាំដែលរដ្ឋមន្ត្រីអាមេរិក ធ្វើដំណើរទៅកាន់កោះតៃវ៉ាន់ គិតចាប់តាំងពីឆ្នាំ១៩៧៩ ជាពេលដែលសហរដ្ឋអាមេរិកបានកាត់ផ្តាច់ ទំនាក់ទំនងការទូតផ្លូវការជាមួយកោះតៃវ៉ាន់ និងគាំទ្រនយោបាយចិនតែមួយ។ ក្រសួងការបរទេសតៃវ៉ាន់ បានបញ្ជាក់អំពីដំណើរទស្សនកិច្ចខាងលើនេះ និងបន្ថែមទៀតថា លោក Azar នឹងជួបជាមួយរដ្ឋមន្ត្រីក្រសួងការបរទេស និងរដ្ឋមន្ត្រីសុខាភិបាលរបស់តៃវ៉ាន់។ ក្រសួងក៏បានរំលឹកផងដែរថា រដ្ឋមន្ត្រីសុខាភិបាលអាមេរិកលោក Azar ក៏ត្រូវបានគេរំពឹងថា នឹងជួបជាមួយលោកស្រីប្រធានាធិបតីតៃវ៉ាន់ ត្សៃ អ៉ីងវិន ផងដែរ៕ អត្ថបទ៖FreshNews

Read More

បរទេស៖ អភិបាលក្រុងបេរូត លោក Marwan Abboud បានឱ្យដឹងថា ប្រជាជនលីបង់ រហូតដល់ទៅ ៣០០,០០០នាក់ បានបាត់បង់ផ្ទះសម្បែងរបស់ពួកគេ ដោយសារតែត្រូវបានបំផ្លិចបំផ្លាញខ្ទេចខ្ទី នៅក្នុងហេតុការណ៍ផ្ទុះដ៏កក្រើកមួយ នៅជាប់តំបន់ឆ្នេរនៃរដ្ឋធានីបេរូត កាលពីថ្ងៃអង្គារម្សិលមិញ។ នៅក្នុងហេតុការណ៍ផ្ទុះនេះ មនុស្សយ៉ាងហោច១០០នាក់ បានស្លាប់ និងជាង៤,០០០នាក់ រងរបួស។ ប៉ុន្តែ អាជ្ញាធរលីបង់ ជឿជាក់ថាចំនួនអ្នកស្លាប់អាចនឹង បន្តកើនឡើង។ ដោយឡែកកាលពីម្សិលមិញតារាចម្រៀងស្រីជនជាតិអាមេរិក កញ្ញា Selena Gomez តារាល្បីដែលមានបេះដូងស្រស់ស្អាតបានធ្វើការឧបត្ថម្ភប្រាក់ដ៏ច្រើនសន្ធឹកសន្ធាប់ចំនួន១០លានដុល្លារ ដល់ជនរងគ្រោះដោយសារផ្ទុះឃ្លាំងស្តុកគីមីដ៏កក្រើកពិភពលោកក្នុងប្រទេសលីបង់ ។ ហើយនាងក៏បានបង្ហោះសារមួយឃ្លាថា “ខ្ញុំមិនអាចជួយអ្វីបានច្រើនទេ តែខ្ញុំគិតថាបើយើងទាំងអស់រួមគ្នាជួយ ការខូចខាតទាំងប៉ុន្មាននឹងបានស្រោចស្រង់ឡើងវិញ“ ៕

Read More