លេងធម៌ក្តៅហើយពេលនេះ!!! លោក Honda ថា បើកីឡាករកម្ពុជាធ្វើរឿងនេះមិនបាន លោកនឹងបញ្ជូនពួកគេទៅក្លិបវិញ

អ្នកចាត់ការទូទៅក្រុមជម្រើសជាតិកម្ពុជា លោក Keisuke Honda បានព្រមានទៅកាន់កូនក្រុមថា សម្រាប់ការកោះហៅលើកក្រោយ ប្រសិនបើកីឡាកររូបណារត់មិនដល់ ២០.៥ ដែលលោកកំណត់ទេ នោះលោកនឹងបញ្ជូនកីឡាករទាំងនោះទៅក្លិបរបស់ពួកគេវិញ។ ជាការពិតណាស់លោក Honda បានលើកឡើងបែបនេះបន្ទាប់ពីបញ្ចប់បេសសកកម្មនៅប្រទេសឥណ្ឌា ដែលកម្ពុជា ពុំបានឡើងទៅកាន់វគ្គបន្តឡើយ ដោយ កម្ពុជាទទួលបានលទ្ធផលស្មើ១ និង ចាញ់២ ហើយ ភាពកំសោយរបស់ក្រុមដែលលោកមើលឃើញ នោះ គឺ ការមិនសូវរត់ ដែលជាហេតុលោកត្រូវបង្កើតច្បាប់ដ៏តឹងរឹងនេះឡើង។ ក្នុងអត្ថបទដកស្រង់ពី Cambodia 2023 លោក Honda បាននិយាយថា៖ ខ្ញុំនឹងមិនជ្រើសរើសយកចូលជម្រើសជាតិទេប្រសិនបើ រត់មិនដល់ ២០,៥ (30-15 intermittent fitness test)។ បើនិយាយឲ្យស្មោះត្រង់ វាជាការធ្វើតេស្តមួយដ៏ឆ្កួត ដែលខ្ញុំមិនដែលឃើញពីមុនមក ប៉ុន្តែសម្រាប់ពេលនេះខ្ញុំត្រូវតែជ្រើសរើសយកវា (តេស្ត)។ ដឹងអត់ ហេតុអ្វី ខ្ញុំមិនប្រើច្បាប់ដ៏ឆ្កួតហ្នឹងពីមុនមក?…តែពេលនេះយើងត្រូវបើវាហើយគឺដើម្បីចង់ឈ្នះក្រុមទាំងអស់ហ្នឹង។ ខ្ញុំឃើញថា យើងលេងមិនសូវរត់សោះ បើមើល២០នាទីដំបូងពេលប៉ះ អាហ្វហ្គានីស្ថាន វិញយើងរត់មិនដល់គេផង៕ លោក Keisuke Honda

Read More

ដំណឹងរីករាយ!!! ពានរង្វាន់លំដាប់ពិភពលោក FIFA WORLD CUP នឹងមកដល់ព្រះរាជាណាចក្រកម្ពុជា នាថ្ងៃទី១៥ មិថុនា​ខាងមុខនេះ ហើយបងប្អូនអាចទៅថតរូបបាន នៅពហុកីឡដ្ឋាន មរតកតេជោ

គណៈកម្មធិការកីឡាអូឡាំពិកកម្ពុជា បានចេញសេចក្តីប្រកាសពត៌មានអំពីការមកដល់នៃពានរង្វាន់លំដាប់ពិភពលោក FIFA WORLD CUP ក្នុងប្រទេសកម្ពុជា លើកដំបូង។ ពាននឹងត្រូវបានដង្ហែរចេញពីព្រលានយន្តហោះអន្តរជាតិភ្នំពេញ ទៅកាន់វិមានសន្តិភាព នាថ្ងៃទី ១៥ មិថុនា ដោយមាន សម្តេច ហ៊ុន សែន ចូលរួមជាអធិបតីភាព។ ពានរង្វាន់លំដាប់ពិភពលោក FIFA WORLD CUP នឹងមកដល់ព្រះរាជាណាចក្រកម្ពុជា នាថ្ងៃទី១៥ មិថុនា ក្នុងលក្ខណៈដំណើរគោចរ “FIFA WORLD CUP Trophy Tour” ដែលទទួលបានការអនុញ្ញាតពីប្រមុខរាជរដ្ឋាភិបាល។ ក្រៅពីនេះ ក៏មានការបើកឲ្យមានការទស្សនា និងថតរូបជាមួយពានរង្វាន់បាល់ទាត់ពិភពលោកបាន នៅពហុកីឡដ្ឋាន មរតកតេជោ។ នេះបើតាមគណៈកម្មធិការអូឡាំពិកកម្ពុជា និងក្រុមហ៊ុនភេសជ្ជៈកូកា កូឡា ចេញសេចក្តីប្រកាសពត៌មាន កាលពីថ្ងៃទី ២៦ ឧសភា ឆ្នាំ២០២២។ ដំណើរជុំវិញពិភពលោកនៃព្រឹត្តការណ៍ “FIFA WORLD CUP Trophy Tour” មានចំនួន ៥១ ប្រទេសដែលត្រូវដាក់តាំង ស្របពេលការប្រកួតជម្រុះ ក្រុមទាំង៣២ ផងដែរ។ ពានរង្វាន់នេះផងដែរ នឹងត្រូវដាក់តាំង ក្នុងកម្មវិធី Coca-Cola Arena នាក្នុងទីក្រុង ឌូបៃ ដោយមានអតីតតារាឆ្នើម របស់ក្រុមបាល់ទាត់ អធិរាជសរៀលម៉ាឌី្រត (Real Madrid)​ ២រូប ចូលរួមមាន Iker Casillas (អ្នកចាំទី) និងខ្សែបម្រើ Kaka។ សេចក្តីបញ្ជាក់របស់ FIFA។ គួរបញ្ជាក់ផងដែរថា ព្រឹត្តិការណ៍ដំណើរគោចរជុំវិញពិភពលោកនៃពានរង្វាន់បាល់ទាត់ពិភពលោក “FIFA WORLD CUP Trophy Tour” បានចាប់ផ្តើម​កាលពីថ្ងៃទី១២ ឧសភា ក្នុងទីក្រុង ឌូបៃ រហូតដល់ខែធ្នូ ឆ្នាំ២០២២។…

Read More

អីយ៉ា! ស្ងាត់ៗ កែវ សុខផេង ទិញរថយន្តទំនើបម៉ាក Jeep ពណ៌ខ្មៅស្រិលតម្លៃរាប់ម៉ឺនដុល្លារ ទុកជិះផ្ទាល់ខ្លួនបាត់

ពិតណាស់ កីឡាករបាល់ទាត់ជម្រើសជាតិកម្ពុជា កែ សុខផេង គឺជា Idol ក្នុងដួងចិត្តមហាជនជាច្រើន ទោះបីជាពេលនេះលោកបានរៀបការមានប្រពន្ធមានកូនហើយក្តី តែកីឡាករដ៏ឆ្នើមរូបនេះ នៅតែបង្ហាញមុខនៅលើទីលានប្រកួតយ៉ាងល្អមិនឲ្យអ្នកគាំទ្រអស់សង្ឃឹងនោះទេ ។ ទន្ទឹនឹងការទទួលស្គាល់ពីមហាជន អ្នកគាំទ្រទៅលើអាជីពជាកីឡាករបាល់ទាត់ កែវ សុខផេង ក៏អាចនិយាយថាទទួលបានជីវិតគូមួយដែលប្រកបដោយភាពផ្អែមល្ហែម មានសុភមង្គលជាមួយប្រពន្ធកូន ហើយលោកក៏រស់នៅក្នុងជីវិតសុខសប្បាយ មានជីវភាពធូរធារមិនធម្មតានោះទេ ។ ជាក់ស្តែង នៅថ្ងៃមុននេះបន្តិចនាថ្ងៃទី២៣ ខែឧសភា ឆ្នាំ ២០២២ នេះ គេបានឃើញលោក កែវ សុខផេង បានបង្ហោះសារនៅលើគណនីហ្វេសប៊ុកផេកផ្ទាល់ខ្លួន ដែលបង្ហាញថាលោកទើបនឹងទិញរថយន្តទំនើបម៉ាក Jeep ពណ៌ខ្មៅដ៏ថ្មីសន្លាងមួយគ្រឿង ដែលរថយន្តសេរីទំនើបនេះមានតម្លៃមិនតិចម៉ឺនដុល្លារនោះទេ ។ មួយវិញទៀត ក្រៅពីអាជីពជាកីឡារកបាល់ទាត់ កែវ សុខផេក ក៏មានមុខជំនួញផ្ទាល់ខ្លួនកំពុងដំណើរការយ៉ាងរលូន ហើយដោយសារតែ សុខផេក ជាកីឡាករដ៏លេចធ្លោ និងមានសមត្ថភាព ថែមតាំងមានរូបរាងសង្ហាទៀតនោះ ហើយកន្លងមកគេក៏បានឃើញរូបលោកទទួលបានការងារថតស្ប៉តពាណិជ្ជកម្មឲ្យក្រុមហ៊ុន ឬផលិតផលផ្សេងៗហូរហែមិនចាញ់អ្នកសិល្បៈអាជីពប៉ុន្មានឡើយ ៕ ប្រិយមិត្តចង់ដឹងកាន់តែច្បាស់នោះសូមទស្សនារូបភាពខាងក្រោមនេះ ។

Read More

អបអរសាទរ! កម្ពុជា យកឈ្នះបានមេដាយមាសទី៥ ដោយកីឡាករ ស៊ូ បាលី លើវិញ្ញាសាចំបាប់

នេះគឺជាដំណើរដ៏រីករាយមួយ ដែលនៅព្រឹកថ្ងៃទី១៩ ខែឧសភា ឆ្នាំ២០២២ នេះ ប្រទេសកម្ពុជាបានឈ្នះមេដាយមាសមួយទៀត ដោយកីឡាករចំបាប់កម្ពុជា ស៊ូ បាលី ទទួលបានមេដាយ​មាស ​ក្នុងវិញ្ញាសា Freestyle ​ទម្ងន់​ ១២៥​គីឡូក្រាម ក្រោយយកឈ្នះឡាវ ១០-០ ក្នុងព្រឹត្តិការណ៍កីឡាស៊ីហ្គេម លើកទី៣១ នៅប្រទេសវៀតណាម។ គួរបញ្ជាក់ផងដែរថា ជុំវិញព្រឹត្តិការណ៍ស៊ីហ្គេម លើកទី ៣១ នៅប្រទេសវៀតណាម គិតត្រឹមព្រឹកថ្ងៃទី១៩ ខែឧសភា ឆ្នាំ២០២២នេះ ប្រទេសកម្ពុជា ទទួលបានមេដាយសរុប២៥គ្រឿងហើយ រួមមានមេដាយមាស ៥គ្រឿង មេដាយប្រាក់ ៦ និងមេដាយសំរឹទ្ធ ១៤គ្រឿង៕

Read More

សោកស្ដាយខ្លាំងណាស់! វីរកីឡាការិនី ខាន់ ចេសា មិនអាចចូលប្រកួតដណ្ដើមមេដាយមាសពី Sea Games នៅវៀតណាម

យោងតាមសេចក្ដីថ្លែងការណ៍របស់គណៈកម្មាធិការជាតិអូឡាំពិកកម្ពុជា(NOCC) និងឯកឧត្តម វ៉ាត់ ចំរើន នាយកបេសកកម្មស៊ីហ្គេម នៅព្រឹកថ្ងៃទី១៤ ខែឧសភា ឆ្នាំ២០២២ នេះ ឱ្យដឹងថា វីរកីឡាការិនីជឺជីតស៊ូតដ៏ឆ្នើមរបស់កម្ពុជា ខាន់ ចេសា មិនបានប្រកួតកីឡាស៊ីហ្គេម លើកទី៣១ នៅទីក្រុងហាណូយឡើយ ដោយសារបញ្ហាលើសទម្ងន់ ២ក្រាម ។ គណៈកម្មាធិការជាតិអូឡាំពិកកម្ពុជា បានសម្ដែងការសោកស្ដាយជាខ្លាំង និងស្នើសុំឲ្យមានការយោគយល់ពីបងប្អូនប្រជាពលរដ្ឋ ពិសេសអ្នកគាំទ្រ ជុំវិញករណីនេះ ដែលធ្វើឲ្យកម្ពុជា បាត់បង់ឱកាសដណ្ដើមមេដាយមាស ១គ្រឿងជូនជាតិ តាមរយៈវីរៈកីឡាការិនីឆ្នើមរូបនេះ ៕ ប្រភព៖ Sabay News

Read More

ប៉េតង់៖ អ៊ុក ស្រីមុំ និង សុខ ចាន់មាន ឡើងទៅវគ្គដណ្តើមយកមេដាយរៀងៗខ្លួន

កីឡាការិនីប៉េតង់ អ៊ុក ស្រីមុំ និង កីឡាករ សុខ ចាន់មាន សុទ្ធតែឡើងបន្តទៅកាន់វគ្គពាក់កណ្តាលផ្តាច់ព្រ័ត្រលើវិញ្ញាសាវាយយកពិន្ទុរៀងៗខ្លួន នាព្រឹត្តិការណ៍កីឡាស៊ីហ្គេមលើកទី៣១ លើមជ្ឈមណ្ឌលកីឡាក្រុងហាណូយ នាថ្ងៃទី១៣ ខែឧសភានេះ។ លើវិញ្ញាសាវាយយកពិន្ទុផ្នែកនារី អ៊ុក ស្រីមុំ បញ្ចប់ក្នុងចំណាត់ថ្នាក់លេខ៤ ដោយសម្រេចបាន២៥ពិន្ទុ ខណៈកីឡាការិនីមីយ៉ាន់ម៉ា បានលេខ១ ដោយរកបាន៤១ពិន្ទុ, កីឡាការិនីវៀតណាម ២៧ពិន្ទុ, កីឡាការិនីឡាវ២៦ពិន្ទុ។ នៅវគ្គពាក់កណ្តាលផ្តាច់ព្រ័ត្រ អ៊ុក ស្រីមុំ ត្រូវប៉ះកីឡាការិនីមីយ៉ាន់ម៉ា Khin Cherry Thet ខណៈកីឡាការិនីវៀតណាម Hien Nguyen Thi ជួបកីឡាការិនីឡាវ Bovilak Thepphakan។ កីឡាការិនីម៉ាឡេស៊ី Nurul Balqis Fuzian បានធ្លាក់ចេញ ដោយរកបានតែ២៤ពិន្ទុ។ សម្រាប់វិញ្ញាសាវាយយកពិន្ទុបុរស សុខ ចាន់មាន បញ្ចប់ចំណាត់ថ្នាក់លេខ៣ក្នុងចំណោមកីឡាករ៦នាក់។ ចាន់មាន សម្រេចបាន៣១ពិន្ទុ ខណៈកីឡាករវៀតណាម បាន៤៥, កីឡាករថៃ បាន៣០ និងកីឡាករមីយ៉ាន់ម៉ា បាន២៨។ នៅវគ្គពាក់កណ្តាលផ្តាច់ព្រ័ត្រ ចាន់មាន ត្រូវប៉ះកីឡាករថៃ Supan Thongphoo ខណៈកីឡាករវៀតណាម Dung Nguyen Van ប៉ះកីឡាករមីយ៉ាន់ម៉ា Win Thurain Tun។ កីឡាករឡាវ Sisomphone Vannachone (២៦ពិន្ទុ) និងកីឡាករម៉ាឡេស៊ី Mohamad Nuzul Azwan Ahmad Temizi បានហាលអាវ៕ ប្រភព៖ ថ្មីៗ

Read More

ការយោគយល់គ្នាទើបមានសន្តិភាព! កីឡាករបាល់ទាត់ថៃ ប្រើទម្រង់លេងពុះកែងបណ្តាលឱ្យ…

កីឡាករ​បាល់ទាត់ជនជាតិ​ថៃ​ម្នាក់ ​ត្រូវ​បាន​ក្លិប​បណ្ដេញ​ចេញ​បន្ទាប់​ពី ប្រើក្បាច់ប្រដាល់ Muay Thai វាយគូប្រជែងលើទីលាន។ ក្លិប Bangkok FC បាន​បញ្ចប់​កុងត្រា​កីឡាករ Aitsaret Noichaiboon បន្ទាប់ពី​រូបគេ​បាន​វាយ​ទៅលើកីឡាករ Supasan Ruangsuphanimit របស់ក្លិប North Bangkok University FC អំឡុង​ការ​ប្រកួត​ក្នុង​លីគលំដាប់​ទី ៣ នៅ​ប្រទេស​ថៃ​កាលពី​ថ្ងៃអាទិត្យទី១៣ខែមីនា។ បន្ទាប់​ពី​ត្រូវ Ruangsuphanimit ទាត់​ជើងនៅចុងម៉ោង កីឡាករ Noichaiboon បាន​បញ្ចេញ​ប្រតិកម្ម​​ខឹង​សម្បា ហើយ​​វាយ​កែង​ទៅ​លើ​មុខ​គូប្រកួត បណ្តាលឲ្យដេរ២៤ថ្នេរ។ Noichaiboon ត្រូវ​បាន​អាជ្ញាកណ្តាល​បណ្ដេញ​ចេញពីការប្រកួត​ភ្លាមៗ ខណៈ ​Ruangsuphanimit ត្រូវ​បាន​គេ​បញ្ជូន​ទៅ​កាន់​មន្ទីរពេទ្យ​បន្ទាប់​ពី​ការ​វា.យ.​ប្រ.ហា.រ។

Read More

សូមជួយគាំទ្រកីឡាករលំដាប់ស្រុកខ្មែរ រវាងចាន់ រតនាជំនួប Ekno Roni មិនដឹងចប់ ៣ ទឹករឹអត់…

អ្នកលេងគុនចម្រុះកម្ពុជា ចាន់ រតនា និង Eko Roni Saputra នឹងជួបគ្នាក្នុងព្រឹត្តិការណ៍ផ្សាយផ្ទាល់ ONE: LIGHT OUT នាថ្ងៃសុក្រ ទី១១ ខែមីនានេះនៅប្រទេសសិង្ហបុរី។ ជំនួប​នេះ​ពិតជា​សំខាន់​ណាស់​សម្រាប់​អ្នក​ទាំងពីរ​។ ​មុន​ជំនួប​ចូលមក​ដល់ សូម​តាមដាន​បទ​សម្ភាស​ផ្តាច់មុខ​ជាមួយ ចាន់ រតនា ពី​ការត្រៀមខ្លួន​ប្រកួត​នា​ថ្ងៃ​សុក្រ​នេះ ​សំនួរ​៖ រតនា មាន​អារម្មណ៍​យ៉ាងណា​ពេល​ជួប​កីឡាករ​ឥណ្ឌូណេស៊ី​ទី​៣ បន្ទាប់ពី​ធ្លាប់​ឈ្នះ​២​នាក់​ហើយ​? ​រតនា​៖ សម្រាប់​ខ្ញុំ​គ្រប់​ដៃគូ​ដែល​ខ្ញុំ​ជួប​គឺ​ខ្ញុំ​រីករាយ​ទាំងអស់​។ មិន​ថា កីឡាករ​ឥណ្ឌូណេស៊ី ឬ​កីឡាករ​ប្រទេស​ណា​ទេ គឺ​ស្វាគមន៍​ទាំងអស់​។ ខ្ញុំ​មិនបាន​សិក្សា​ស្វែងយល់​ពី​គាត់​បានច្បាស់លាស់​ទេ ពីព្រោះ​៥​ប្រកួត​ចុងក្រោយ​ដែល​គាត់​ឈ្នះ​ទាំងអស់​គឺ​ឈ្នះ​ទឹក​ទី​១​ដូចគ្នា ហើយ​មើលទៅ​គាត់​មិនទាន់​បញ្ចេញ​សមត្ថភាព​អស់​ផង​។ ​សំនួរ​៖ សម្រាប់​ការត្រៀមខ្លួន​យ៉ាងណា​ហើយ​? ​រតនា​៖ មែនទែនទៅ យើង​ទាំងពីរ​បាន​ត្រៀម​ជួបគ្នា​យូរហើយ​។ បន្ទាប់ពី Eko Roni ប្រកាស​ចង់​ជួប​ខ្ញុំ​កាលពី​ខែមិថុនា ឆ្នាំ​២០២១ ខ្ញុំ​បាន​ចំណាយពេល​ហ្វឹកហាត់​ច្រើនណាស់​។ និយាយ​ទៅ​តាំងពី​ដឹងថា គាត់​ប្រកាស​ចង់​ជួប ខ្ញុំ​ក៏បាន​ចាប់ផ្តើម​ហ្វឹកហាត់​តាំងពី​ពេលនោះ​មក​។ ​សំនួរ​៖ និយាយ​ពីបទ​ពិសោធ​វិញ Eko Roni Saputra ត្រូវបាន​អ្នកកាសែត​ឥណ្ឌូណេស៊ី​គិតថា តិចជាង Abro Fernandes និ Rudy Agustian ទេ​។ រតនា គិតថា Eko មិនសូវ​គ្រោះថ្នាក់​ដូច​កីឡាករ​ឥណ្ឌូណេស៊ី​២​នាក់​មុន​ទេ​? ​រតនា​៖ មហាជន​យល់ឃើញ​កីឡាករ​ម្នាក់នេះ​ខ្សោយ​ជាង​អ្នកនោះ អ្នកនោះ​ខ្លាំង​ជាង​អ្នកនេះ​។ នោះ​ជា​គំនិត​យល់ឃើញ​របស់​ពួកគាត់​។ ប៉ុន្តែ​ខ្ញុំ​សម្រាប់​ខ្ញុំ​គ្រប់​ដៃគូ​ទាំងអស់​សុទ្ធតែ​គ្រោះថ្នាក់​។ យើង​មិនអាច​មើលស្រាល​ដៃគូ​បានទេ​។ រឿង​សំខាន់​គឺ​ត្រូវ​ស្ទាបស្ទង់​សមត្ថភាព​គេ​ពេល​ជួបគ្នា​លើស​ង្វៀន​។ ​សំនួរ​៖ តើ​ពិតជា​សំខាន់​ទេ ប្រសិនបើ​ឈ្នះ​កីឡាករ​ឥណ្ឌូណេស៊ី​ទី​៣? ​រតនា​៖ ជ័យជម្នះ​លើក​នេះ​ពិតជា​សំខាន់​ណាស់ ពីព្រោះ​ប្រកួត​ចុងក្រោយ ខ្ញុំ​បាន​ចាញ់ ដូច្នេះ​ខ្ញុំ​ចង់​ទទួលបាន​លទ្ធផល​គួរ​ជាទី​ពេញចិត្ត​វិញ​។ ​សំនួរ​៖ តើ រតនា ដាក់​គោលដៅ​បញ្ចប់​ជ័យជម្នះ​៥​លើក​ជាប់​គ្នា​របស់ Eko ទេ​? រតនា​៖ ដូច​ខ្ញុំ​និយាយ​អីចឹង ខ្ញុំ​ត្រូវការ​ឈ្នះ​សម្រាប់​ការប្រកួត​នេះ ដោយសារ​ខ្ញុំ​មិន​សប្បាយ​ចិត្តនឹង​លទ្ធផល​ចុងក្រោយ​របស់ខ្ញុំ​។ មែនទែនទៅ…

Read More

កក្រើកលើសង្វៀន! ម្ចាស់ជើងឯក២០២១ ភ្នំពេញក្រោន និងវិសាខា ត្រូវជួបគ្នាដណ្ដើមពាន Super Cup មុន…

ភ្នំពេញក្រោន ម្ចាស់ជើងឯកលីគឆ្នាំ២០២១ ត្រូវប្រកួតជាមួយ វិសាខា ម្ចាស់ជើងឯកពានសម្ដេច ដណ្ដើមពាន Super Cup នៅថ្ងៃទី១ ខែមិនា ឆ្នាំ២០២២ នៅកីឡដ្ឋានកងយោធពលខេមរភូមិន្ទ វេលាម៉ោង៦:៣០ ល្ងាច ។ ការប្រកួត Super Cup រៀបចំឡើងមុនបើករដូវកាលប្រកួតពានរង្វាន់ Cambodian Premier League ។ ការប្រកួត Super Cup គឺជាការអភិវឌ្ឍថ្មីក្នុងវិស័យបាល់ទាត់កម្ពុជា សម្រាប់កីឡាករ និងអ្នកគាំទ្រ ។ លោក កែវ សុខង៉ន អ្នកចាត់ការក្រុមភ្នំពេញក្រោន បានបញ្ជាក់ថា ការប្រកួតកាន់តែច្រើន កីឡាករទទួលបានបទពិសោធលើទីលានកាន់តែច្រើន ខណៈអ្នកទស្សនាចង់ឃើញការអភិវឌ្ឍបច្ចេកទេស របស់កីឡាករ និងក្លិប ដែលពួកគេ.គាំ.ទ្រ។ លោក កែវ សុខង៉ន បានប្រាប់សារពត៌មានថ្មីៗថា ៖«ជាសមិទ្ធផលថ្មីមួយបែបទៀត ដែលមានការប្រកួតប្រជែងច្រើន ហើយការប្រកួតទាំងនេះល្អសម្រាប់កីឡាករ និងអ្នក.គាំ.ទ្រ» ។ ស្របគ្នានេះ លោក ហុក សុចិត្រា អ្នកចាត់ការទូទៅក្លិបវិសាខា យល់ថា ការប្រកួត Super Cup ជារបត់ថ្មីមួយនៅកម្ពុជា ដែលអាចទាក់ទាញការ.គាំ.ទ្រ.លើវិស័យបាល់ទាត់មួយកម្រិតទៀត។ «វាជារឿងល្អសម្រាប់លីគកម្ពុជា មានការប្រកួតនេះ ហើយវាជាឱកាសសម្រាប់ការរៀបចំក្រុម ដើម្បីចាប់ផ្តើមលីគឲ្យបានល្អ ។ ខ្ញុំជឿជាក់ថាការប្រកួតនេះ នឹងធ្វើឲ្យមានការទាក់ទាញខ្លាំងពីអ្នក.គាំ.ទ្រ.»។ នេះជាការយល់ឃើញរបស់លោក សុចិត្រា៕ ប្រភព៖ thmeythmey

Read More

អស្ចារ្យ! កំពូលព្រឹត្តិការណ៍ធំលំដាប់ពិភពលោកមិនធ្លាប់មាន ខួប១០ ឆ្នាំ ONE ដែលប្រព្រឹត្តទៅនៅ……

​ចាប់តាំងពី​ស្ថាប័ន​ប្រដាល់​ធំ​បំផុត​លំដាប់​ពិភពលោក​របស់​អាស៊ី ONE Championship ត្រូវបាន​បង្កើត​ឡើងជា​ផ្លូវការ​រយៈពេល​១០​ឆ្នាំ​កន្លងទៅ មាន​ព្រឹត្តិការណ៍​ប្រ.កួ.ត​ធំៗ​ជាច្រើន​ដែល​លោកអ្នក​មិនអាច​បំភ្លេច​។​ ​ទោះជា​យ៉ាងណា ព្រឹត្តិការណ៍​ប្រ.កួ.ត​ផ្សាយ​ផ្ទាល់ ONE X នា​ថ្ងៃទី​២៦ ខែមីនា ខាងមុខនេះ​អាច​ចាត់ទុកជា​ព្រឹត្តិការណ៍​ធំ​បំផុត និង​ពិសេស​អស្ចារ្យ​បំផុត​សម្រាប់​រយៈពេល​១០​ឆ្នាំ​កន្លងទៅនេះ​។ ព្រឹត្តិការណ៍​នឹង​ប្រារព្ធ​នៅ​កីឡដ្ឋាន Singapore Indoor Stadium ប្រទេស​សិង្ហ​បុរី​នា​ថ្ងៃ​សៅរ៍​ទី ២៦ ខែ មីនា គិត​ត្រឹម​ដើមខែ​កុម្ភៈ​នេះ បានប្រកាស​ជា​ផ្លូវការ​ហើយ​នូវ​ការប្.រ.កួ.ត​ដណ្តើម​ខ្សែក្រវាត់​ពិភពលោក​សំខាន់ៗ​ដល់​៤​គូ​ឯណោះ និង​ជំនួប​គូ​ពិសេស​ជាច្រើន​ទៀត​។​ ​ជំនួប​ដណ្តើម​ខ្សែក្រវាត់​ពិភពលោក​កម្រិត​មាស​បន្ទាប់ពី​បាន​គ្រង​ខ្សែក្រវាត់​ពិភពលោក​កម្រិត​ប្រាក់ កីឡាការិនី​ថៃ Stamp Fairtex បោះជំហាន​ទៅ​ដណ្តើម​ខ្សែក្រវាត់​មាស​ពី​រា​ជនី​សង្វៀន​បច្ចុប្បន្ន​គឺ Angela Lee ដែល​អវត្តមាន​ឡើង​សង្វៀន​ជាច្រើន​ខែ​មកហើយ បន្ទាប់ពី​មាន​ផ្ទៃពោះ និង​សម្រាលកូន​។​ ​ជំនួប​នេះ​គឺជា​ការជួបគ្នា​រវាង​រា​ជនី​ជំនាញ​ក្រោម និង​រាជ​នី​កណ្តាប់ដៃ ដូច្នេះ​បានធ្វើ​ឲ្យ​មហាជន​ចា.ប់អារម្មណ៍​ខ្លាំងណាស​។ ម្នាក់ៗ​មើលឃើញ​ចំណុចខ្លាំង​របស់​តារា​សំណព្វចិត្ត​រៀងៗ​ខ្លួន​ន​។ កាលពីមុន Stamp អាច​និយាយបានថា មិន​សមជា​ដៃគូ​របស់ Lee ឡើង បន្ទាប់ពី​កីឡាការិនី​សិង្ហ​បុរី ហើយ​កីឡាការិនី​ថៃ​ឡើងដល់​កម្រិត​.ឈ្នះ​.ខ្សែក្រវាត់​ពិភពលោក ដូច្នេះ​ការ.ប្.រ.កួ.ត​នេះ​ពិបាក​វិភាគ​ណាស់​។ ប៉ុន្តែ​ច្បាស់​១០០%​គឺ​កក្រើក​សង្វៀន​ហើយ​។​ ​ជំនួប​ដណ្តើម​ខ្សែក្រវាត់​រវាង​អ្នកជំនាញ​ក្បាច់​ឃ្លេ​ដូចគ្នា​ ​វា​បាន​ក្លាយជា​ការផ្គូផ្គង​ដែល​អ្នក.គាំ.ទ្រ​.ទន្ទឹងរង់ចាំ​យូរ​មកហើយ​នៅពេល​ម្ចាស់​ខ្សែក្រវាត់​ច្រើន​សម័យកាល​របស់​ប្រេ​ស៊ី​ល Adriano Moraes វិល​មក​ការពារ​ខ្សែក្រវាត់​របស់ខ្លួន​ទល់នឹង​តារា​កំពុង​ឡើង​កូដ​របស់​ជប៉ុន Yuya Wakamatsu​។​ ​ម្ចាស់​ខ្សែក្រវាត់​របស់​ប្រេ​ស៊ី​ល​មានប្រៀប​ខាង​កម្ពស់ និង​បទពិសោធ​ច្រើន ហើយ​និយាយ​ពី​ជំនាញ​ក្រោម​វិញ​គឺ​ល្អ​មួយ​ចប់​តែម្តង​។ ចំណែក​កីឡាករ​ជប៉ុន​វិញ​ត្រូវបាន​គេ​ស្គាល់​ថា វ័យក្មេង កម្លាំង​ស៊​ហ្វ​ខ្លាំង​អាចជា​ចំណុច​មានប្រៀប ហើយ​កណ្តាប់ដៃ​វិញ​គឺ.​រ.ល័.ស​លឿន​ណាស់ បូករួម​ជំនាញ​ក្រោម​ការពារ​ឥតខ្ចោះ​គឺ​កក្រើក​ហើយ​គូ​នេះ​។​ ​ខ្លា​ចាស់​ថៃ Nong-O ឡើង​ការពារ​ប៉ះ​អតីត​ជើងឯក Alaverdi Ramazanov ​គូ​នេះ​ជាការ​ប្.រ.កួ.ត​មួយ​ថៃ​ដែល​អ្នក.គាំ.ទ្រ​មើលឃើញថា កីឡាករ​ថៃ​អាចមាន​ប្រៀប​ច្រើន​ដោយមាន​បទពិសោធ​ជោកជាំ និង​ការពារ​ខ្សែក្រវាត់​បាន​ជោគជ័យ​រហូត​ពោលគឺ​មិនទាន់​កីឡាករ​ណា​ម្នាក់​ដណ្តើមយក​ខ្សែក្រវាត់​ពី​រូបគេ​បានឡើយ​។​ ​បូករួម​ជាមួយ​អាវុធ​មួយ​ថៃ​មួយ​កំ​ភ្លេ​គឺ​ពិតជា​ធ្វើ​ឲ្យ​កីឡាករ Alaverdi Ramazanov មិន​ស្រួល​ចិត្ត​ទេ ពីព្រោះ​កីឡាក​រុស្ស៊ី​ម្នាក់នេះ​ទន់​ផ្នែក​ក្រោម​ដែល​ទើបតែ​បា.ត់.ប.ង់​ខ្សែក្រវាត់​ឃី​ក​បុក​សី​ង​របស់ខ្លួន​ធ្លា.ក់​ទៅលើ​ដៃ​របស់​កីឡាករ​ថៃ Capitan​។ ​អ្នក​ប្រដាល់​រុស្ស៊ី​នេះ​មាន​អាវុធ​វ៉ៃ​ចេញ​ចម្រុះ​ដែល​ពិបាក​ប៉ាន់ស្មាន ប៉ុន្តែ​រូបគេ​នៅ​ក្មេង និង​បទពិសោធ​តិច ដូច្នេះ​ពិបាក​នឹង​ដណ្តើម​ខ្សែក្រវាត់​ពី​ជើង​ខ្លាំង​ថៃ​បាន​ណាស់​។ យ៉ាងណា មុនពេល​ទទួលបាន​ឱកាស​ប្រកួត​ដណ្តើម​ខ្សែក្រវាត់​លើក​នេះ Ramazanov បាន​ផ្តួល​ខ្លា​កំណាច​ថៃ Pongsiri ក្នុង​ទឹក​ទី​១​។​ ​ការប្រ.កួ.ត.​ខ្សែក្រវាត់​ពិភពលោក Grand Prix…

Read More